通常聽肺我會揀聽背脊唔揀聽心口。一來費事女仔尷尬。二來就算男仔都係，你喺前面聽佢，佢永遠就會好自然咁對住你塊面抖氣。咁你就成日都要額外講一句叫佢擰轉面先好深呼吸，唔係自己又中晒招。所以聽背脊簡單啲。
但係我好怕夏天嘅來臨。因為永遠男士嘅背脊都係夾雜好多汗水。你要拿高佢件充滿汗水/味嘅T恤，又要將你個聽筒擺喺佢濕粒粒嘅背脊，個下好難頂。
但係冬天聽背脊都好煩。因為大家都成個洋蔥咁，著十層八層衫。你要拿高晒啲衫，再塞倒個聽筒入去，其實係件好辛苦嘅事。次次隻手伸到入去都好似移動迷宮咁，伸黎伸去都仲未上到去Thoracic個位。
仲搞笑係次次叫病人自己拿高件衫，佢只會拿高到條腰嗰度俾你。喂你知唔知個肺喺邊呀？嗰度係個腎OK？你高D再高D再高D得唔得？講完之後成個金魚婆婆咁～～～～
唔知個肺喺邊自己Google唔該～～
###
話說我去咗某酒店嘅日本餐廳食佢嘅任食，一個字，伏！我朋友生日所以我請埋佢食飯。佢個價錢根本你冇可能食到抵番條數！啲魚生質素係OK，但係我唔使用咁多錢去食你D壽司囉。真係一世人傻仔一次就夠。
撞啱好似上年買到＄8平機票去東京，我飛去築地食，加埋酒店，都冇呢餐咁貴。
Search